गजल(राख्याछु)

हास्दै आउनु मुलबाटोमा हेरिराख्याछु

झुक्किएला पछौरीले मुख बेरिराख्याछु

बोल्न सक्छु सक्दिन भेटहुदा कुन्नि

हातकमाउदै ढुङ्गाले भुइ केरिराख्याछु

अनायशै कतिकुन्ठा बग्लान भनि आँफै

चारैकिल्ला मनको बह घेरिराख्याछु

सत्रुलाइनि नपरोस है टाढा भइबस्न

छट्पटिदै नियतीको चाल टेरिराख्याछु

जिर्ण भाछ  शरीर यो मुटु हराइबस्दा

भेट्ने पल सम्झी सास फेरिराख्याछु

गजल(भ्याटबिलको कुरा)

के गर्नु नक्कली भ्याटबिलको कुरा

देश लुट्ने लुटेरा बाजचिलको कुरा

उन्दैछन लामो शेर पुस्तौपुस्ता पुग्ने

छटपटिमा गरिवी माछासिलको कुरा

ढाडिएर बसेकाछन जुकेहरु यहाँ

डकार्छन कैलेकाही हाम्राखिलको कुरा

काले काले मिलेकाछन खानुपर्छ भनि

कालोधन सेतो पार्ने झुठमिलको कुरा

अस्लिल नाच नाची आँफै के हेरेको भन्छन

छोडभो जगत हास्ने नाङ्गोरिलको कुरा