जे जे पर्ला सहिदिन्छु मनको राजा चुनेकिछु
नवैलाउने दुबोमाला स्यम्बरलाई उनेकिछु
हिमपात र झरी कस्तो ठक्ठकी जाडो बढ्यो
प्रियतम तिम्रो लागि एउटा स्विटर बुनेकिछु
दुनियाको आँखालाग्ला होसियारी साथ हिड्नु
बाटो छेकी जाऔं भन्ने बिगबिगी सुनेकिछु
मुलपानीको बाटोगरि मुहान सबै बोकी आउनु
प्यास साह्रो लाग्ने गरि रहरहरु थुनेकिछु
पिपलुलाई बरको भर बरलाई पिपलुको
छहारी त्यो चौतारीमा मनमनै गुनेकिछु
No comments:
Post a Comment