यादै याद को पर्खालले प्रित हाम्रो बारेको छ ।
टिपि लाने कस्को तागत मनमन्दिरमा सारेको छ ।
पाइलै पिच्छे हण्डरहरु, चट्टान फोर्न गार्हो भन्थे
संग संगै हिडे पछि आंटि मनलाई खारेको छ ।
डाहा गर्ने तड्पिएर मुर्छा पर्छन् छाति पिटि
लक्ष्य एउटै रेल एउटै, भाग्य ले पारेको छ ।
जोडिएका कति नाम, उनका पनि मेरा पनि
भगवानले हाम्रा निम्ति, ति नामलाई टारेको छ ।
स्वर्ण अक्षर बिजयको, हाम्रो नाममा लेखेको छ
इर्ष्या गरी छिर्के हान्ने, दुनियाँले हारेको छ ।
No comments:
Post a Comment