राजतन्त्र फेरियो राजाहरू फेर्न बाँकी छ
गद्दार सबै नेताहरूलाई सेर्न बाँकी छ
पटक पटक हार्यो देश आफू हार्या छैन भन्छन्
एउटै चिहान पारी यिनलाई बेर्न बाँकी छ
देशै बन्धक राखी मुकुट लाउने रहर तीनको
ओर्लि जनता फरजी तमसुक केर्न बाँकी छ
धेरै खेले पराइले खरानी भयो देश हाम्रो
बैरी छिर्ने गौँडाहरु घेर्न बाँकी छ
हातेमालो गरी यहाँ चट्टान फोर्न थालेपछि
स्वर्ग बन्छ देश हाम्रो हेर्न बाँकी छ
No comments:
Post a Comment